Disa ditë më parë qeshë ulur në një bisedë me një mikun tim, i cili thotë se është një konservator i djathtë, e shpesh mundohet të argumentojë se filozofia e majtë e zhvillimit të shoqërisë ka dështuar një herë e përgjithmonë kudo në botë dhe se e sotmja dhe e nesërmja e Shqipërisë duhet t'i dedikohet pa kushte kapitalizmit të tregut të lirë, si i vetmi sistem që ka treguar dhe tregon efikasitet dhe jetëgjatësi. Por ai më kot shqetësohet, sepse në Shqipëri sistemi kapitalist nuk rrezikohet nga asgjë. Përveçse nga vetvetja.

Për t'ju përgjigjur shtruar mikut tim konservator të djathtë, po nis duke thënë se problemi i parë qëndron në faktin se kapitalizmi ynë nuk është se po ofron ndonjë model të admirueshëm zhvillimi. Shumë e kanë quajtur kapitalizmin shqiptar si veçanërisht të egër, por në mendimin tim nuk është aspak më i egër se kapitalizmi gjetkë, por vetëm sa duket i tillë, ngaqë te ne mungon organizimi shoqëror. Te ne zërat e ngritur për të akuzuar padrejtësitë dhe korrupsionin janë vetmitarë dhe mënjanohen kollaj. Ata që përpiqen të ilustrojnë ligësinë e sistemin tonë ekonomiko-politik, shpesh etiketohen si të rrjedhur, sepse qenka tabu të dyshosh mbi efektshmërinë e dorës së padukshme të tregut të lirë. Nuk mundet, dhe as nuk duhet që për hir të qetësisë dhe karrierës personale të mbyllim sytë përpara plagëve të rënda, e ndoshta të pashërueshme që po i shkakton të ardhmes sonë ky model i mjerë zhvillimi, ku shumë e më shumë shqiptarë po shfrytëzohen nga gjithnjë e më pak njerëz që kontrollojnë kapitalin, politikën dhe mediat, duke e përçudnuar deri në thelb sistemin demokratik që tashmë është kthyer në një hije të zbehtë të asaj që ky popull përqafoi në fillimet e viteve ‘90.

Fatkeqësisht, është e vërtetë ajo që thua ti miku im, konservator i djathtë, se në Shqipëri mendimi i majtë, prej vitesh tashmë ka mbetur amorf dhe pa përfaqësim të vërtetë politik. E majta, kampione e të drejtave të punëtorëve, shtresave në nevojë dhe minoriteteve, nuk ekziston. Partitë politike të spektrit të majtë janë të tilla vetëm në ngjyrat e logove. Qeverisja e Partisë Socialiste deri në vitin 2005 dhe bashkëqeverisja aktuale e LSI-së, që nuk ka ndërmarrë asnjë veprim ekzekutiv që mund të quhet "i majtë" qysh kur erdhi në pushtet, provon se në politikën tonë nuk ka më përfaqësim të filozofisë së majtë për zhvillimin e vendit. E majta në Shqipëri nuk ka kapacitetin t'u kundërvihet interesave të korporatave, shqiptare apo të huaja, edhe kur këto cenojnë të drejtat e qytetarëve.

Zërat e vërtetë të vizionit të majtë janë jashtë politikës, të ndarë dhe të shpërndarë. Një gazetë këtu e një artikull atje, mendimi i majtë ka mbetur jetim. Si rrjedhojë e mungesës së ndonjë forme kontrolli shoqëror, kemi sot një sistem ekonomik dhe politik që shfaq të njëjtat simptoma si të sëmurët me psikopati. Në librin e tij, "Korporata: Ndjekja patologjike e përfitimit dhe pushtetit", Joel Balkan liston disa nga simptomat tipike të psikopatit klinik, të cilat duket sikur manifestohen gjerësisht edhe te ne në sistemin politiko-ekonomik aktual.

Lista e simptomave të psikopatisë, sipas Dr. Robert Hare, të cituar në libër, përbëhet nga: pandjeshmëria ndaj halleve të të tjerëve (kujto dhunimin e grave të verbra para Kryeministrisë); mungesa e kapacitetit për të mbajtur një marrëdhënie (mendo aleancat e thyera të PS-së me LSI-në); neglizhimi për sigurinë e tjetrit (26 viktimat e Gërdecit); mashtrimi dhe gënjeshtra e përsëritur (ashtu si ndodh në fushatat tona elektorale); mungesa e kapacitetit për të ndjerë përgjegjësi dhe faj (shkatërrimi masiv i natyrës dhe hapësirave publike); mungesa e respektit për normat shoqërore dhe ligjin (ka një pafundësi shembujsh që mund t'i jepni vetë).

Sot vendi ynë po mbahet peng nga ata pak njerëz që shfrytëzuan rrethanat dhe mungesën e skrupujve për të grabitur pasurinë publike. Të cilët, bashkë me mafiozët e narkotrafikantët e djeshëm, që sot zotërojnë biznese të fuqishme, dhe miqtë e tyre në politikë, formuan një elitë ekonomiko-politike, e cila qeveris dhe vjedh sistematikisht në favor të ujdive dhe interesave të tyre, që edhe pse kamuflohen si të ligjshme, janë thellësisht kriminale. Krahu politik i kësaj elite të re, që shtrihet përtej vijave partiake, flet në emër të zhvillimit të vendit dhe të vlerave demokratike. Gjuha e tyre politike është e mbushur me klishetë e integrimit dhe europianizmit të vendit. Askush prej tyre, me impotencën për mendim kritik që i karakterizon, nuk vë ndonjëherë në pikëpyetje, qoftë edhe efektet më perverse të globalizimit.

Në demagogjinë e tij patologjike, krahu politik i oligarkisë politiko-ekonomike krenohet për mirëqenie në kohë krize ekonomike, për shtet të së drejtës kur ligji i vetëm është ai i Maliqit. Përgjërohet për patriotizëm kur vendi shitet dhe gjoja përdëllehet për vlerat njerëzore, kur më të varfrit po shesin trupin (dhe ndonjëherë organet) për të mbijetuar. Kjo elitë shfrytëzuese rrënoi, pastaj shiti (lexo bleu) me të lirë gjithçka publike për përfitime vetjake. Sistemi shëndetësor dhe ai i arsimit, 20 vjet pas rënies së diktaturës, mbeten për t’u vajtuar. Ndërmarrjet prodhuese u rrafshuan, thesari u vodh, arsimi lëngon, demokracia u korruptua ende pa mësuar të flasë dhe vlerat humaniste të solidaritetit njerëzor u zëvendësuan nga individualizmi ekstrem. Sot premtimi i "Lirisë" është reduktuar në konceptin e "Tregut të lirë" dhe lirinë për të shfrytëzuar sistemin me të gjithë mekanizmat e mundshëm. Kriza financiare globale dhe gremina ekonomike buzë së cilës qëndrojnë fqinjët tanë në Greqi, japin shembuj konkretë të dështimeve katastrofike të një sistemi të pakontrolluar, e megjithatë rrallëkush në Shqipëri merr mundimin të analizojë shtegun kah i cili jemi drejtuar. Të verbrit prijnë të verbrit.

Politikanët tanë, në mënyrë rutinë, manipulojnë shifrat për të fshehur të vërtetën. Ata refuzojnë të pranojnë se një vend me një ekonomi që nuk prodhon asgjë, por vetëm konsumon, është i destinuar të vuajë. Në këtë mënyrë ata kontribuojnë në mohimin kolektiv të realitetit dhe propagandojnë akoma më fort demagogjinë e zhvillimit, duke marrë si pikë referimi varfërinë ekstreme të socializmit të dështuar të Enver Hoxhës. Në të vërtetë ekonomia është zgjeruar, por ky zgjerim nuk do të thotë mirëqenie për të gjithë. Përkundrazi, me një shpejtësi të frikshme e gjithë pasuria po grumbullohet në duart e një numri tepër të vogël personash, ndërkohë që shumica e shqiptarëve mbeten të varfër dhe të shfrytëzuar.

Por shfrytëzimi nuk është vetëm ekonomik. Rrënimi vjen në lloj-lloj formash, më e frikshmja ndër të cilat është iluzioni kushtetues se pushteti buron nga populli. Në të vërtetë askush nuk mund të zgjidhet si përfaqësues i popullit pa mbështetjen dhe financimet e elitave ekonomike. Asnjë politikan nuk ka ndonjë shans real të fitojë në rast se nuk puth duart e oligarkëve më parë. Vetëm duke marrë bekimin e tyre e duke u bërë pjesë e sistemit mundet dikush të manifestojë ambicie politike. Për më tepër, elita ekonomiko-politike kontrollon pothuajse gjithçka që lexojmë në shtyp, apo shohim në televizion, për të krijuar te publiku një uniformitet mendimi që garanton se vullneti popullor nuk do të mund të cenojë interesat e tyre. Analistët mediatikë në televizione flasin për politikën sikur të ishte një garë kuajsh, duke u bërë homazh paturpësive dhe imoralitetit që politika shfaq rregullisht. Klientët e sistemit, analistët dhe mediat nuk diskutojnë ide dhe nuk trajtojnë problemet e publikut, pasi funksioni i tyre është mbulimi i problemeve me diskutime pa asnjë vlerë. Kontrolli i mendjes së zgjedhësve me anë të diversionit është i domosdoshëm për të ruajtur status quo-në.


Në vitin 1949, Albert Ajnshtajni shpjegonte për revistën “Monthly Review” arsyet përse ishte i majtë, e ndër të tjera shkruante:

"Oligarkia e kapitalit privat po bëhet aq e fuqishme, saqë edhe për një shoqëri me organizim demokratik është e pamundur ta kontrollojë. Kjo është e vërtetë, sepse anëtarët e legjislativit zgjidhen nga partitë të cilat financohen dhe ndikohen nga kapitalistët, çka praktikisht e ndan parlamentin nga elektorati. Si rrjedhojë, përfaqësuesit e popullit nuk mbrojnë në fakt interesat e shtresave të paprivilegjuara të popullsisë. Më tej, ata [oligarkët] kontrollojnë burimet e informacionit (shtypin, radion, arsimin). Ndaj është shumë e vështirë dhe shpesh e pamundur që individi të dalë në përfundime objektive dhe të ushtrojë në mënyrë inteligjente të drejtat e tij politike".

Kështu, i dashur miku im konservator i djathtë, qëndro i qetë. Nëse në një shoqëri demokratike, si Shtetet e Bashkuara, kapitali i madh ia ka dalë të fusë në shtrat politikën dhe shtetin për të shfrytëzuar i qetë tokën, detin dhe njerëzit, këtu te ne, ku demokracia është ende fillestare, me siguri do të bëjë kërdinë.

54 Komente

Wow!

Metamorfoza më e bukur që mund të shikoja... "krimbi" idealist i zbritur nga parajsa e ekonomisë së tregut, më së fundi paska ngulur mirë këmbët në tokë dhe qënka shndërruar në atë që duhet të ishte vërtet: Një njeri që nuk ka frikë të thotë hapur atë ç'ka konstaton me gjakftohtësi në realitetin ku jeton.

Sinqerisht KOMPLIMENTI!

"...Nëse në një shoqëri demokratike, si Shtetet e Bashkuara, kapitali i madh ia ka dalë të fusë në shtrat politikën dhe shtetin për të shfrytëzuar i qetë tokën, detin dhe njerëzit, këtu te ne, ku demokracia është ende fillestare, me siguri do të bëjë kërdinë."

S'ma kap kaplloqja mua, apo ka nje kontradikte ne thenien e mesiperme?!

Nuk shoh ndonje kontradite, SyriBukur.  Blendi po thote, se ne nje shoqeri si US me demokraci te lindur me te, dhe te zhvilluar ne stadet qe eshte sot, kapitali i madh (korporatat) ia kane dale per bukuri te bej shtratin dhe rrjedhen e lumit te politikes.  

Ne Shqiperi ku demokracia eshte relativisht e re, e brishte dhe e keqkuptuar, mendo se c'mund te bej kapitali.  

 po e pastaj ta heqim kapitalin ? ta shtetezojme si dikur ? çfare duhet te bejme, çfare na keshillon ky trimi gazetar ?

pervete nuk e kuptova qellimin e artikullit (qe demokracia amerikane i eshte shitur kapitalit, kjo nuk perben ndonje zbulim te madh). duket si shkrim i bere nga dikush qe paguhet per te shkruar dhe kaq. nje shkrim me shume ne malin e shkrimeve pa asnje lloj vlere.

ajo qe na duhet ne e po ashtu çdo populli jane veprat (e ketu kapitalizmi amerika u eshte superior te tjereve deri me tani, se krijon vepra me shume).

prandaj ky autori duhet ta filloj nga vetja dhe keto shkrimet koti ti ktheje ne vepra, duke dhene shembullin edhe tek te tjeret. 

gjithashtu gabimi i tij eshte se e konsideron sistemin demokratik si te perkryer. po vetem se e do pa oligarki kapitaliste. 

kur mua me duket se fajet sidomos tek ne shqiptaret, qe akoma fluturojme me presh ne bythe sa i perket demokracise (te cilen sapo e preke) na i ka pikerisht kjo demokracia. secili nga ne kujton se ka te drejte, kur eshte e pamundur te kemi te gjithe te drejte. demokracine e kujtojme nje sistem pa shtypje e shfrytezim duke harruar se tek greket e vjeter qe e shpiken kete sistem, kishte SKLLEVER !!!!!

pra demokracia nuk ishte e aplikueshme per te gjithe. por vetem per DISA qe e meritonin dhe kryesorja nuk e keqkuptonin sistemin.

prandaj dhe neve na duhet ti shpjegojme gjerat qarte, do te kete ne kete sistem te shfrytezuar dhe shfrytezues. por kjo nuk do te thote qe detyrimisht te zhfrytezuarit do te vuajne. 

sartri ka thene se : te urdherosh apo te bindesh, eshte e njejta gje. 

pra shfrytezuesi nuk mund te beje dot pa te shfrytezuarin. jane te lidhur prej interesash me te forte nga forca gravitacionale, jane forca ne te njejtin vektor, jane ne fakt e njejta gje. 

kur zhfrytezuesi nuk mundet me te zhfrytezoje, dmth kur ai nginjet nga kjo, vendin e tij e zen i shfrytezuari. dmth ata i nderrojne rolet. e keshtu me rradhe.

te barabartet (siç kerkon ky gazetari socialist) nuk ekzistojne ne natyre. duhet pra o te rreshtohemi nga ana e te shfrytezuarve ose ne anen tjeter te shfrytezuesve.

Kush po fliste për shtetëzim?

Fjala etikë të thotë gjë?

Provo dhe shiko se mos nevoja e një etike dhe në menaxhimin e kapitalit po kërkohet me ngulm nga shumë drejtime (dhe jodomosdoshmërisht të majta apo komuniste).

Rudeta ne ishim per gati 50 vite komunizem dhe ai sistem nuk na la asnje trashegimi te hajrit. Ketu duhet te filloje debati. Ne kishim sherbim shendetsor falas ne ate kohe por ishte turp dhe faqja e zeze. Sherbim i mjeruar. Ky do reformim sigurisht. Rryshfeti tek doktoret ishte edhe ne ate kohe. Edhe ku se, ne vendin me totalitar ne Europe. Shkolla ishte me pagese. E ku se? Ne sistemin qe mendohej ta ofronte falas. Ne Kube, me sistemin qe ndertoi Kastro mund te ndodhin shume gjera, ama nje gje do ta kene te lavderohen dhe qe do te ju vleje edhe brezave qe vijne: sherbimin shendetsor, falas dhe me nivel te mire. Kurse komunizmi yt ne Shqiperi cfare beri mire qe mund ta shfrytezojme dhe mbajme mend? He ma thuaj nje dicka?

Zotri, qëparë po i jepje leksione filozofie autorit sepse nuk kishte ditur të ndante qartë disa koncepte që kishte trajtuar në artikullin e tij... ndërsa mua vjen dhe më flet për gjëra që NUK i përmënda. Përse tek të tjerët kërkon që të tregohen të kujdesshëm kur flasin për gjëra të veçanta dhe tek vetja ja fut si për pasnesër?
Unë s'po i bëja Hajdarit krahasime komunizëm-kapitalizëm që të të jap ty apo Hajdarit spjegime se pse ishte më i mirë njëri apo tjetri... unë po flisja për etikën në menaxhimin e kapitalit/fitimit/shpërndarjes etj etj në kapitalizmin e sotëm.

Por, nëse edhe ti, ashtu si Hajdari, etikën e lidh vetëm me fjalën etër, do të të lutesha që të mos replikoje... ose, nëse vërtet vlerëson thirrjet e gjithkahshme për një etikë më të shëndoshë të kapitalizmit të sotëm, pranoje si vlerë (sepse edhe autori për mungesën e moralit dhe etikës po fliste, nuk po fliste për revolucion ndaj kapitalizmit) ... sepse, në fund të fundit, këto thirrje për etikë erdhën jo vetëm nga Kisha, por edhe nga sumitet ndërkombëtare të atyre shteteve që bënë NDËRHYRJE SHTETËRORE për të shpëtuar kapitalizmin e  tregut të lirë, të atij kapitalizmi të trumbetuar si rruga e vetme(!!) që do shpëtonte njerëzimin.

Vërejtje: Përqëndrohu tek etika në kapitalizëm (ndryshe, sado i bukur që të jetë hartimi juaj i rradhës tjetër, do vlerësoheni pakalueshëm smiley )

Pergjigja ime ishte per ate paragraf te Blendit qe Syribukur iu duk kontradiktor. Per cfare shkroi Blendi, e jo cfare shkruajta apo mund te shkruaja une. 

Megjithate, cfare s'do bija dakort me Blendin eshte se si sistem konkret, US nuk eshte demokraci por republike.  Si sistem konkret qe ne lindje, nuk iu eshte besuar "masave" per vendim-marrje.  

Kapitalizmi, nga ana tjeter, per aq sa eshte e lehte ta kritikosh, po aq sa dhe t'i japesh merita, nuk eshte ideologji.  Por "a way of doing things."  Nje konservator i djathte mjaftohet me: s'ka gje me te shtrenjte se prona private, liria e tregut, liria e kapitalit dhe liria e shprehjes.  Dhe kaq.  Faktikisht, sa here e degjoj, me habit thelbesorja por dhe cektesia e kesaj formule qe trumpetohet si fituese mbi te gjitha te tjerat.

Ne Shqiperi, pa perseritur cfare kam thene shpesh ne kete bllog, kjo formule edhe ne cektesine e saj nuk eshte praktikuar.  Rrjedhimisht, nje i djathte ka te drejte te ankohet, dhe nje i majte ka te drejte te ideologjikoje.     

Ne Shqiperi, pa perseritur cfare kam thene shpesh ne kete bllog, kjo formule edhe ne cektesine e saj nuk eshte praktikuar

 prandaj ai shoku jot e ka te gabuar qe titullin e shkrimit, se ne shqiperi nuk ka akoma konservator te djathte. akoma pronat nuk u jane dhene atyre qe dikur i zoteronin (e eshte PRONA VETEM qe te ben konservator te djathe).

sa i perket asaj formules fituese, eshte se ju gjoja e majta nuk propozoni gje tjeter me te mire. ajo surogatoja qe bete per 50vjet deshtoi me turp. te gjitha shanset i patet te favorshme, ne daç ato historike, ne daç ato kombetare, ne daç ato gjeopolitike.

asnjeri nuk u vuri gje shopinjt neper rrota (siç ju i bete sistemit qe ishte perpara jush), e prap deshtuat paturpesisht, per mungese kulture, per mungese gjenetike. thjesht ngaqe nuk kishit lind per te komanduar.  

ngaqe e dini kete po me dashje ndaloni tashti te gjithe proçesusin natyral te zhvillimit te gjerave, me shkrime te dobeta si artikulli i lartem e politike anarkike. ne shqiperi ka akoma vetem te majte. mafjozet e majte ish fshatare i duken ketij blendit si oligarke kapitaliste e ju çon letra te hapura.

ndersa ajo tjetra flet per ETIKE. kjo fjale vjen nga fjala ETER (baballare ose prinder). ju i vrate eterit e kombit, nga do te kete me etike, nga qielli ? prit te krijohen te tjeret.

ky blendi na tregon ça ka thene Ajnshtajni ne 1949. po ishte ajshtajn (i pati bere veprat e i lejohej edhe kritika) ai mor shok. ndersa ti kush je ?

prandaj te thashe shko e bej veprat te te njohim e nderojme e pastaj eja te ligjerosh. nga do ti te ecin punet mbare, te kete etike, normalitet, rezultate te larta, ekonomi te zhvilluar, etj. 

njerezve te panjohur duhet t'u ndalohet shkrimi me LIGJ. bile mendoj se edhe leximi.

Une me duket se e sqarova ceshtjen e adresimit tek postimi yt.  

Tani, kete "ju", "shoku jot" e me the te thashe, s'di kujt t'ia faturoje.  Por edhe ndonje rendesi te madhe, s'kam pse i ve smiley.

e kam llafin per shoku jot i idealit, dhe jo ai i shtratit psh. gjithashtu shok ideali nuk do te thote se e ke me te vertete shok, por vetem se ndan te njejten pikepamje me te (kuptohet sa i perket kesaj temes ketu). 

ndersa ajo ju eshte thjesht shumesi, dmth ti , ai dhe te tjere njerez me pikepamje te njejta, sa i perket shoqerise, prones, etj. 

tashti me te vertete qe edhe mua nuk me duket ndonje argument kushedi se çfare ai i prones, etj. por kur nuk propozoj gje tjeter e pranoj si te qene. 

se me hedh poshte eshte shume kollaj, puna eshte me propozu diçka tjeter, me te mire.

ps: po deshe ndonje propozim edhe te ndihmoj heee ? se di diçka jo te keqe.

Per cfare te me ndihmosh, Hajdar?  Kur akoma, me gjithe sqarimin (flm gjithesesi) e ke akoma te gabuar adresimin ne formen e "pikepamjes se njejte"?

Une ta thashe formulen qe trumpetohet.  Ne cektesine e saj nuk eshte praktikuar.  Sepse sic e the dhe vete, te pakten (nder te dhenash te tjerash) shenjteria e prones e private nuk ekziston ne Shqiperi.  Por, me se shumti, edhe ajo prone, nuk eshte e lire (te pakten ne aspektin me te ashper te kapitalizmit qe mendohet se eshte US.)  Sepse nuk mund te presesh cdo peme qe ke ne prone.  Nuk mund ta besh ballkonin sa te duash e te tjera me radhe.   Dhe me e rendesishmja, taksohet!  E pra, nuk eshte "private", por ne kuptimin strikt te fjales "eshte e lire" dhe kushton "aq" dhe varet 'ku" eshte.  

Pra, pertej ketyre parametrave, cili ishte thelbi i replikes tende?  

PS:  Ideali im, oh well, a very long story smiley.

Nuk marr vesh nje gje, KUSH na qenka ai shqiptar qe na kujtoka se eshte konservator i djathte? Megjithmend ishte kjo o Blendo apo e ke bo si tip essssse-je (qe sikur po na dalin ca si shpesh se fundmi ne peshk) me nje personazh paksa fiktiv qe te kishe mundesine te krijoje nje bosht mbeshtetes?

Konservator ne Shqiperi, automatikisht, ne kete kohe qe po jetojme, duhet te jete i ekstremit te majte. Vetem ekstremi i majte ka se cfare te "konservoje", duke patur parasysh qe partia e fundit politike ne jeten politike te vendit eshte zhdukur nga territori shqiptar qe ne 45... me partite qe kane lindur pas 91, qe absolutisht te gjitha kane rrjedhur nga PPSH, pervec ndonje sajese demek "indipendente" apo te sajuar me "ndihme apo frymezim" nga jashte, kryesisht nga qyrravece buzequmesht... po vari leshte kesaj...

ka dhe nje mundesi tjeter, qe ky konservatori te kete qene ndonje ballist apo legalist i 43-44, qe sikur asokohe te kete qene 15 vjec, sot i takon te jete 80 vjec e siper... qe eleminon pastaj ate mundesine tjeter e te qenit "shok" me ty o Blendo.

Mundesia me bindese eshte qe ke bere muhabet me nje kercu injorant qe ne vend ta shoqeroje kafen me cigare, e shoqeron me "propagande politike"...

Mire Blendi, thua mjaft gjera qe jane te verteta dhe te cilat edhe pse jane thene tek-tuk, duhen thene e sterthene. Por ama keto te verteta i perdor rendshem njeanshmerisht ne artikull si shkop per te goditur me shume njeren ane. Gjithashtu dhe premisa e shtjellimit le per te deshiruar, per mua.

Qe me shtrimin e nje argumenti ekstrem dhe te lehte per ta 'mundur' ate te nje miku tend qe thote se s'ka vend per te majten. Tani kendveshtrime ekstreme gjen kudo dhe per cdo gje, po kjo nuk legjitimohet qe te shqyrtohet ne nje artikull, se nuk eshte perfaqsues pervese i nje pakice ekstreme (ideologjike ne kete rast).

Do ishte njesoj si te thoje nje miku im (s'e kam me ty Sol lol) thote se kapitalizmi ka deshtuar. Dhe pastaj te beje nje artikull. Ky eshte kendveshtrim ekstrem, nuk perfaqson ndonje mase te konsiderueshme apo serioze, as politike as shoqerore, as ne Shqiperi as ne bote.

Tjetra, vete ato gjera qe thua nga mesi i artikullit, ato te verteta te rendesishme per tu thene--si p.sh. qe tek ne nuk ka fare forca te majta politike (mbase as te djathta ne kuptimin e mirfillte), dhe qe ligjin e bejne disa mafioze biznesesh qe jane bere politikane e ca mafioze politike qe bejne biznes me politiken--kjo pra vetvetiu e ben te pavflefshem argumentimin ideologjik te majte vs te djathte tek ne.

Nese ne do arrijme dikur te kemi nje sistem sadopak legjitim demokratik, ku te kete nje demokraci minimale brenda forcave politike (qe te mos jete nje njeri ne krye te partise derisa te vdese ose ta rrezojne me puce, dhe ku listat per deputete mos ti mbushe me idiote mafioze qe kane biznese), ku zgjedhjet te mos administrohen nga militantet, ku mediat te mos jene zedhenese te mirftillta te partive, e ku institucionet gjyqesore e ligjore te funksionojne, atehere mund te flasem per ideologji e alternativa te mirfillta politike, kjo vs ajo.

Tani ka vec klane mafioze, sic thote Lubonja, i cili ne fillim argumentonte (idealisht) qe keto duhen zevendesuar, dhe tani qe e kupton se nuk eshte e lehte te zevendesosh nje mafie qe kontrollon gjithshka, argumenton (me praktikisht) qe duhet bere cmos qe keto klane te detyrohen te 'luajne brenda rregullave', ligjeve.

Tjeter gje nese do kishe shtjelluar ideologjite politike ne pergjithesi dhe jashte Shqiperise, atehere kishte kuptim diskutimi ideologjik e majta vs e djathta.

Pse thashe e ke perdorur shkopin e te vertetave me shume per te 'goditur' njerin krah dhe nga premisa e gabuar? Sepse ja, si mendon ti, ose te tjeret, pse nuk ka forca te majta politike tek ne, te mirfillta? Pse nuk eshte e majte partia me e madhe "e majte" ne Shqiperi, PS? smiley Kjo mendoj se ja vlen te diskutohet shume me shume se cdo argument teorik per kapitalizmin e demokracine (qe s'i kemi akoma sic i diskutojme), jo vetem nga ata me ideologji te majta, po nga te gjithe. Sidomos ne Shqiperi, ku klasa e mesme pothuajse nuk egziston dhe klasa e varfer eshte gjeresisht jashte fokusit te politikave e mediave, te cilat diskutojne kryesisht per everything-Tirana.

E pra, te tjera gjera jane shkaqet dhe realitetet ne Shqiperi, te tjera jane ne vendet ku ka vertet kapitalizem e sisteme demokratike.

Ndryshe debatet jane aq te vlefshme sa protestat idiote te caj-istave ne Amerike qe e akuzojne Obamen se eshte ne te njejten kohe komunist dhe nazist, te cilet njerez e dine se c'eshte komunizmi e nazizmi akoma me pak sa c'dine shqiptaret qe s'kane jetuar jashte se ceshte demokracia e kapitalizmi.

Kurse ajo qe ben ne fund te artikullit qe indirekt i ve fajin kapitalit, me duket gafe e pafalshme; te ka ngjitur mikrobet Soli i Saktivistes. smiley Po dhe keqperdor fjalen kapital, me te cilen ne kete rast nenkupton korporatat, pra ato qe sot me se shumti kontrollojne kapitalin, ato qe kane kapitalin ekonomik/financiar (kete nenkupton besoj), jo qe jane kapitali.

Eshte njesoj si ti vesh fajin asfaltit per aksidentet rrugore. Asfalti na duhet gjithmone, se pa te i bie te ecem si qemoti, ne rruge me balte. Fajin e kane ata qe i bejne rruget jashte standarteve, jo asfalti. Bile asfalt (kapital) ka pasur dhe ne komunizem; varet kush e menaxhon dhe si e menaxhon.

s'ke se si ta kesh me mua, se mes miqve te mi nuk me kujtohet asnje kaq paradoksal ne thelb e ne forme (po perpiqem te jem i sjellshem meqe i paske rene gjate tastjeres se kompjuterit, dhe per kete meriton nje fare respekti).

lexoje dhe nje here komentin tend, dhe do vesh re se je ti ai qe po rreshton deshtimet e "kapitalizmit ashtu sic e imagjinon ti" (qe ne fakt s'jane gje tjeter vecse realizim i perpikte i kapitalizmit ashtu sic eshte ne te vertete).

sa per asfaltin, lately you ve been cruising on thin air... kane evoluar konceptet...

megjithate, kam vene re qe ke nisur te mendosh. Way to go!

Sol, keto poshte-veniet peshk-komentuese "ke nisur te mendosh" etj, nuk i ke huq te mire, jo se une do prekem ne seder, se helbete, diskutojme ne nje faqe virtuale, po thjesht nuk te nderojne, as ty ne pozitat e profesor-vleresuesit per te tjeret virtuale, dhe as diskursin e debatit.

Sa per deshtimet e kapitalizmit (sipas teje) ato sic them ne artikull jane diskutime qe s'i perkasin realitetit shqiptar; per deshtimin e kapitalizmit duhen marre ne analize vendet qe ne fakt kane kapitalizem, vendet perendimore. Ne kete kontekst ti dhe miqte e tu saktivistiane (ideologjike dmth) keni shkruar mjaft, dhe mund te shkruani prap kuptohet, po njeheresh dihet sa shume e pak aprovim keni per keto ide, qofte dhe ne nje faqe rendshem shqiptare-te-majte si kjo. Juve per mendimin tim i beni nje dis-service te madh te majtes qe akoma s'ka lindur ne Shqiperi, po megjithate kjo eshte e drejta juaj dhe thjesht mendimi im ne kete pike per keto rryma, jo per juve si persona, s'eshte "ke filluar te mendosh" alla-Soliste. lol

Po i qendroj asaj qe thashe qe 'martesa' e ketyre debateve ideologjike me realitetin shqiptar nuk qendron, eshte nje fare ngjitje si m pas kepuces, kur behet e vetedijshme (per faktin qe s'qendron po prap synohet te nderthyren argumentat per hir te mullixhiut dhe thanes ku hip e ema e Zeqos).

Sepse sic thashe, nese kushdo i majte ideologjik do niste diskutimin se pari nga "pse nuk eshte PS parti e majte" atehere do dilnim tek disa pika qe s'ju vjen per mire po juve shqiptar-te-majteve (per shume arsye) dhe keshtu ja vishni fajin kapitalizmit amerikan e suedez per deshtimet e te majteve shqiptare, ashtu si miku ekstrem i Blendit mund tia veshe fajin te majtave evropiane per deshtimin e te djathtes shqitpare.

Kjo eshte ajo per inat te mulluxhiut dhe te folurit si e Ema e Zeqos maje kutise. smiley

Argumentat dhe debatet jane aq te vlefshme sa eshte sinqeriteti intelektual qe i shtron (dhe perballet me) to. Ndryshe behen lesh-tjerrje dhe prodhojne vetem ... well, lesh.

po ti, kujt po i ben service?

desha me te shajt nje here, sic bej ne pergjithesi me injorantet qe perpiqen te mbulojne ate cka jane, po ne fund ti u tregove i sinqerte, keshtu qe po mjaftohem duke te te dhene material per te lexuar.

Per kapitalizmin liberal po flisnim? Apo per fashizmin? Per te dyja, merr e lexo me vemendje kete: http://saktivista.com/2010/03/lufta-kund...

Dhe pastaj, hajde na trego per ndonje kenge te re qe ke mesuar nga kori i shkolles.

 nuk eshte veshtire me ja hudh poshte argumentat xhibit (ja nje psh, ai e lidh demokracine me kapitalizmin kur ne fakt nuk jane te ndervarura hiç. kina psh po ben kapitalizem pa pasur demokraci, po ashtu greqia dhe roma benin demokracine pa pasur kapitalizem).

problemi eshte se juve te sakticvistes as kaq nuk e beni dot. ngaqe lundroni tne te njejtin nivel intelektual.

ju beni copi/paste nga shtypi boteror gjera pa shume lidhje dhe i shprehni turbullt ngaqe ne te shumten nuk kuptoni gj te madhe, per me teper nuk kerkoni atje ku duhen kerkuar argumentat e vertete ose idete e reja.

kur i jep per argument faqen tende me dhjet fare. per wikipedian edhe s'do thosha gje lol.

mos perto t'i shohesh linket here tjeter HAJDAR!

........ Liberalizmi ishte teoria sociale dhe ekonomike e kapitalizmit industrial europian në periudhën kur bartësi i këtij kapitalizmi ishte “kapitalisti individual”, sipërmarrësi privat në sens të drejtpërdrejtë. Megjithë variacionet strukturale të liberalizmit dhe të mbështetësve të tij, baza uniforme mbetet: individi ekonomik është subjekti që zotëron të drejta pronësie dhe kontrolli mbi pronën private, bashkë me sigurinë e garantuar ligjore dhe politike mbi këto të drejta. Rreth këtij boshti të qëndrueshëm mund të modifikohen të gjitha kërkesat specifike ekonomike apo sociale të liberalizmit – mund të modifikohen deri në vetë-shkatërrim. Pra, gjatë pushtetit të liberalizmit ka patur dhe ndërhyrje të forta të autoritetit të shtetit në jetën ekonomike, sa herë që këtë e kërkonte liria dhe siguria e kërcënuar e pronës private, sidomos nëse kërcënimi vinte nga proletariati. Ideja e diktaturës dhe e drejtimit autoritar të shtetit nuk është aspak e huaj për liberalizmin (siç edhe do ta shohim shkurtimisht). Madje shpeshherë luftërat kombëtare kanë ndodhur në periudha liberalizmi pacifist-humanitar. Kërkesat bazike të liberalizmit, që rrjedhin prej pikëpamjeve ekonomike që sot janë kaq të urryera (bashkë me lirinë e fjalës dhe të shtypit, me publicitetin total të jetës politike, me sistemin përfaqësues të parlamentarizmit, apo me ndarjen dhe balancimin e pushteteve), nuk janë realizuar kurrë tërësisht. Sipas situatës sociale ato janë shformuar, ose janë harruar.12

 

Për ta tejkaluar kamuflazhin dhe shformimin e zakonshëm, dhe për të parë imazhin e vërtetë të sistemit ekonomik e social liberal mjafton t’i kthehemi portretizimit që Von Mises i bën liberalizmit:

Programi i liberalizmit…, i përmbledhur në një fjalë të vetme do të qe “Pronë”, që do të thotë pronësi private e mjeteve të prodhimit. … Të gjitha kërkesat e tjera të liberalizmit rrjedhin prej kësaj kërkese bazike.

Garancinë më të sigurt për progresin ekonomik dhe social ai e sheh tek iniciativa e lirë dhe private e sipërmarrësit. Prandaj liberalizmi e konsideron “kapitalizmin si i vetmi rend i mundshëm i marrëdhënieve sociale”, dhe prandaj ka vetëm një armik: socializmin marksian. Nga ana tjetër liberalizmi pranon se:......

 ai posti tend po thote se kapitalizmi ka ndryshuar, sipas teje si eshte bere ai, me i eger apo me i bute.

gjithashtu mos harro se liberalizmin kapitalizmi amerikan e lejon vetem ne ekonomi. jo ne politike. po te jesh figure e majte, me popullaritet, ne amerike te eleminojne fizikisht akoma sot.

nuk i prekin me dore lolot si puna e atij mores, qe ben filma dokumentare. rob si ai nuk bejne frike se jane gjysmake. per me teper edhe ai si te gjithe ju te majtet e sotem veç kritikon pa propozuar diçka te re. 

pamvaresisht rrockullave qe debatohen ketu, mu me 10-sin kto robt qe ne debat te referojne tek blogu i tyre 

S'kane faj, jane ne trileme. smiley

Ne fakt keta jane bere me hije dhe me shume komplekse qe kur kane dale hapur me manifeste tek faqja e tyre dhe as ne nje faqe si kjo me popullaritet te majte s'kane ndonje mbeshtetje; jane te keqkuptuar nga masa injorante per imperativin revolucionar-komunist qe i nevojitet sot jo vetem Shqiperise e Kosoves po gjithe Ballkanit. smiley

Kjo shpjegon dhe hijack-osjen me links ne tema te tjera dhe keto sol-epitetet sa here flitet per kapitalizma e komunizma.

Fajin ne kete rast e kisha une qe i replikova seriozisht me siper Sol saktikomuistit  per keto ceshtje qe per ta jane bere red flags.

 amon o burr se dhe kto debatet ktu jan bo shume te zjarrta se ku duhet me nejt lavjerresi..majtas apo djathtas, nderkohe qe po ikin vitet e shtet nuk kemi, megjithese gjithe bota perreth nesh po zhvillohet. E kam seriozisht, lloj lloj produktesh shef knej nga gjithe fqinjte tane kurse hic nga ne.

Une per vete jam per debat mbi ceshtjet, jo kot per pozicionim majtas/djathtas. Megjithese ne fillim thashe bobo dhe nje shkrim tjeter veshgues/emocional (sic kam shkrujt vet ne oren e letersise ne vit te dyte gjimnaz ahahha) dhe pertoja me lexu, nuk eshte nje shtjellim i padrejte.

A nuk mendon dhe ti se sa te vogla jane shancet qe te kete nje person te dale ne politike ne Shqiperi me idera apo projekte te reja/moderne/te drejta dhe te kete nje impakt? Perse, sepse eshte e pamundur qe te pluskosh pa qene ne xhepin e atyre qe jane ne kontroll sot. Me kupton, eshte e pamundur te jesh i pavarur!!!

E ke vënë re dhe ti e? Mu më 10! ky kur përdor ca shembuj me "si të flasim për rrotën", edhe kur mbi-emërzon gjithçka. Kur vë thonjza pastaj është më keq se "Joey" "te" "Friends".

 

 Po çfare ka te re ne kete shkrim? :rolleyes:

kjo esht e reja smiley smiley

"rob si ai nuk bejne frike se jane gjysmake. per me teper edhe ai si te gjithe ju te majtet e sotem veç kritikon pa propozuar diçka te re."

Ka nje boshllek ne kete pikture shpjeguese te kapitalizmit, demokracise, korporatave dhe regullit politiko-ekonomik shqiptar. Salaj shpjegon listen e simptomave te nje psikopati sipas Bakan. Dhe kjo eshte shume interesante, sidomos ne kontekstin te cilin e perdor Bakan kete, ate te korporates. Eshte interesante sepse korporata eshte nje entitet artificial i pavarur, efektivisht nje person imagjinar, pavaresia dhe te drejtat e te cilit clirojne bashkepronaret dhe zyrtaret ekzekutiv te korporates prej detyrimeve (liability) dhe pergjegjesive (accountability). Detyrime e pergjegjesi te cilat arsyeja dhe etika do te thoshte se jane te natyrshme duke patur parasysh influencen qe korporatat kane mbi shoqerine, si pergjegjesi ndaj ambientit, banoreve qe ndikohen prej aktivitetet e korporates, edhe mbi te gjitha, influenca qe korporatat kane mbi politiken ne vendet kapitaliste. Por korporata eshte nje person abstrakt me karakteristika te vecanta. Korporatat jo vetem se kane nje gol - profitin, por ato jane edhe persona te pavdekshem e amoral. Pra efektivisht korporata eshte nje person artificial psikopat i pavdekshem qe influencon politiken.

Sidoqofte, boshlleku ne pikturen qe nderton Salaj, te cilin permenda me siper eshte sepse, nderkaq qe Bakan ben paralelizimin e psikopatit me korporaten (paralelizim i cili eshte i vlefshem duke patur parasysh se korporata eshte legalisht nje person.. kam pershtypjen se korporata ka te njejtin status legal edhe ne Shqiperi), pra nderkaq qe Bakan shpjegon korporaten si nje psikopat, Salaj e ben kete paralelizim midis psikopatit dhe sistemit ekonomiko-politik te vendit. Jo se jam kundra ksaj, por ka nje boshllek ketu. Do doja te lexoja me teper mbi natyren, historine e evolucionin e korporatave dhe mbi te gjitha, influencen aktuale mbi sistemin politik ne Shqiperi.

Shkrimi mund te elaborohet ne dicka vertete interesante.

Po te te kisha student o Blendi une ty, me kete ese per sistemin kapitalist ne Shqiperi nuk merrje piket per tu quajtur e kaluar kjo 'detyre'. Nejse se ti je profesor tani dhe i di me mire keto pune. Se pari je gabim me termat qe perdor. Cdo te thote "konservator i djathte"? Nese flasim si ideologji politike konservatoret kane qene gjithmone ne te djathte (mos po e ngaterron me liberal i djathte), nuk ka kuptim kjo. E dyta, kritika jote eshte e hallakatur, nuk ka nje target qe perpiqesh te godasesh. Here sulmon sistemin si i tille, pra kapitalizmin, lirine e tregut etj. dhe here sulmon deformimet e ketij sistemi qe rendom ndodhin ne vendet me demokraci te re (ose edhe problemet me bankat dhe kompanite ne vendet e zhvilluara qe shkaktuan krizen), si korrupsioni, abuzimi etj. Duhet te jesh me preciz ne ato qe thua, e ke me sistemin si i tille apo me problemet qe dalin ne demokraci te reja dhe jo me sistemin si i tille. Se treti, ku eshte e keqja qe kapitali ka zerin e tij ne politike dhe vendim-marrje? Thjesht interesa qe perfaqesohen ashtu sic duhet ne nje sistem pluralist dhe demokratik. Perplasje interesash qe sjellin zhvillim. Se katerti, pse ky paragjykim ndaj zhvillimit si dicka qe do te prishe detin, token dhe ajrin? Jeni kunder zhvillimit? Se pesti, Shqiperia nuk eshte ndonje vend aq i "eger" sa na e pershkruan ti. Shqiperia jep dhe ofron falas apo me pak pagese sherbimet qe ne vende te tjera merren me para. Shqiperia ka hyre ne rrugen e zhvillimit prandaj perpeliteni kaq shume ju. Ne ceshtje te tilla nuk ben pune propaganda, duhen shifra dhe fakte. Na trego psh. qe Shqiperia nuk ka rritje ekonomike, qe nuk ka punesim ne rritje, qe nuk ka njerez qe dalin nga varferia etj. Ky shkrim ne mentalitetin qe ka eshte tamam ashtu sic e thonte B. Shehu ne intervisten e tij te vitit 04 menyren se si e mendojne nje pjese e madhe e shqiptareve kapitalizmin, ashtu sic e mesuan ne kohe te komunizmit, ne libra apo vetem me sllogane dhe mjetet e tjera te propagandes; si dicka te eger dhe shfrytezuese pa kurrfare skrupujsh dhe rregulli. Per ta mbyllur, eshte e vertete qe e majta ne Shqiperi eshte e vdekur, por kjo gjendje ne mos vdekje, ne koma eshte edhe ne vendet e tjera. E majta nuk arrin me te konkuroje me te djathten e cila pershtatet dhe ecen mire. Te majtes nuk i ka mbetur gje tjeter te beje vetem se te perqafoje idete e te djathtes (dhe e ka bere kete) dhe ta ngjyrose pak me "minoritetet" me preferenca seksuale te ndryshme nga shumica qe merr ne mbrojtje. Kaq eshte e majta.

e ke Seriozisht ?..seriozisht seriozisht?..smileysmiley

Po humbet kultura e majte politike ose ndoshta iluzioni i te paturit ne te tille, dhe per kete pergjegjsia nuk eshte vetem e kapitalizmit te rrokur prej bishti, por edhe e komplekseve ndaj se shkuares...

 

Edhe nje paradoks tjeter i dashur Blendi meqe jemi tek e majta, ke pare ti qe ka te majte qe nga njera ane jane kolektiviste te vendosur, tellalle te totalitarizmit, nga ana tjeter flasin si liberal per individin qe mund te nxjerre fitimin edhe duke u bere prostitute psh. por vetem qe kjo te rregullohet nga shteti ne fund te fundit! Edhe Friedmani do ti kishte zili.

o metropolitan, po konservator te qendres ka?

edhe, ne cilen pjese te artikullit lexove ti se kapitali nuk duhet te kete ze ne politike e vendim-marrje?

 Kapitalizmi, një histori dashurie !!02/02/2010

Kapitalizmi, një histori dashurie !!

Intervistë e regjizorit Majkëll Mur (Michael Moore) dhënë revistës « Le nouvel observateur » në nëntor 2009.

Është provokatori i të majtës amerikane. Me humor, llafazan, i suksesshëm, kokëfortë, Majkëll Mur godet fort, dhe drejt. Filmi i tij i ri “Kapitalizmi- një histori dashurie”, është një apologji e zjarrtë dhe e vendosur kundër mbretërisë së parasë, makutërisë së bankave, perandorisë së monedhave. Ai sulmon me baxuka drejt e në zemër të sistemit : imazhe dëshpëruese të cifteve të zbuara nga banimet e tyre nga sherifa me armë në dorë ; vejusha që zbulojnë se punëdhënësit e bashkëshortëve të tyre përfitonin sigurime  mbi vdekjen e rrogëtarëve të tyre ; agjent imobiliar që blen me shpejtësi apartamentetet e atyre që kanë humbur (agjensia e tij quhet Korbi i Gurit ; padrejtësi e përgjithësuar, mosndëshkim i financierëve, pandemi korrupsioni.

Diagnoza ? Sistemi është i kalbur, i mykur, i gangrenizuar. Pasi u mor me kulturën e dhunës dhe të armëve (Bowling for Columbine), me Xhorxh W. Bush (Fahrenheit 9/11), me sistemin shëndetësor (Sicko), Majkëll Mur e ngrë tashmë nivelin e polemikës  duke e zgjeruar shënjestrën e tij.  Fillon ti godasë të gjithë : bursierë, traders, padronë, lobistë, grosistë, sharlatanë, ministra, mashtrues, matrapazë, bosa. Në fund të filmit, Majkëll Mur e rrethon godinën e Uoll Strit me një shirit të verdhë – është vendi i krimit. Më pas ai kërkon kthimin e parave të vjedhura, kërkon arrestimin e drejtorëve. Që i qeshin në fytyrë. Regjizori pyet « Cfarë duhet bërë ? ». Një prej mashtruesve i përgjigjet « Mos bëj më filma ». Gjë që s’bëhet, natyrisht.

Pyetje – Cili është definicioni juaj për kapitalizmin?

M.M. –  Është makutëria e legalizuar. Është Shteti i asociuar me biznesin për të bërë të ligjshme veprimet imorale dhe për të mbrojtur më të pasurit.

Pyetje – Gjithnjë kështu kanë qenë gjërat?

M.M. –  Jo, mendoj se në fillim ishte ndryshe. Ne kemi të gjithë nevojë për të blerë këpucë. Unë nuk di ti bëj këpucët. Shkoj në një dyqan ku shiten këpucë. Dhe nëse janë të mira, mbetem klient i rregullt. Dhe këpucëbërësi fiton jetën e tij. Dhe punonjësit e tij gjithashtu. Ky është sistemi, në mënyrë ideale.......

vazhdimi ne : http://saktivista.com/2010/02/kapitalizmi-nje-histori-dashurie/

Mund te shohesh dokumentarine e plote tek ai linku qe kam postuar me siper.

Si gjithmone Michael Moore i paarritshem

 

 falemnderit! jam duke e pare.

 canart, ai linku mua me kerkon credit card.

jo, jo..jam ne rregull. u hap

Ah po, M. Moore eshte me te vertete nje analist asnjanes qe i shikon dhe paraqet gjerat faktualisht e jo emocionalisht, me logjike te ftohte pa qene i influencuar nga opinioni i tij personal i ndonje ane politike.

Artikulli ka pjese te trajtuara shume mire kur flet per shqiperine ( mendimi im ky qe edhe mund te jete gabuar)

Sot vendi ynë po mbahet peng nga ata pak njerëz që shfrytëzuan rrethanat dhe mungesën e skrupujve për të grabitur pasurinë publike. Të cilët, bashkë me mafiozët e narkotrafikantët e djeshëm, që sot zotërojnë biznese të fuqishme, dhe miqtë e tyre në politikë, formuan një elitë ekonomiko-politike, e cila qeveris dhe vjedh sistematikisht në favor të ujdive dhe interesave të tyre, që edhe pse kamuflohen si të ligjshme, janë thellësisht kriminale. Krahu politik i kësaj elite të re, që shtrihet përtej vijave partiake, flet në emër të zhvillimit të vendit dhe të vlerave demokratike. Gjuha e tyre politike është e mbushur me klishetë e integrimit dhe europianizmit të vendit. Askush prej tyre, me impotencën për mendim kritik që i karakterizon, nuk vë ndonjëherë në pikëpyetje, qoftë edhe efektet më perverse të globalizimit.

ndersa kur kalon dhe per te bere krahasime me kapitalizmin amerikan apo ate perendimor ne pergjithesi me duket se autori gabon rende shume rende mendoj une

 

"...Nëse në një shoqëri demokratike, si Shtetet e Bashkuara, kapitali i madh ia ka dalë të fusë në shtrat politikën dhe shtetin për të shfrytëzuar i qetë tokën, detin dhe njerëzit, këtu te ne, ku demokracia është ende fillestare, me siguri do të bëjë kërdinë

 

E thene vec kaq le shume vend per pikpyetje per ata qe nuk e njohin kapitalizmin amerikan ( Blendi mendoj se njeh mire se ka jetuar ketu dhe mendoj se ka mesuar dicka nga ato vite ketu) . Sepse eshte e vertete qe kapitali i madh ka influence ( por jo futur ne shtrat) mbi politiken por ka nje raport balancimi ne lidhje me popullin qe voton. Te thuash "e fut ne shtrat" do te thote qe ndodh ajo qe ndodh edhe ne shqiperi as me shume e as me pak Dhe kete e perforcon edhe vete autori kur thote

 Shumë e kanë quajtur kapitalizmin shqiptar si veçanërisht të egër, por në mendimin tim nuk është aspak më i egër se kapitalizmi gjetkë, por vetëm sa duket i tillë, ngaqë te ne mungon organizimi shoqëror

 

Pra sipas autorit eshte njesoj????? Por nuk ka si te jete njesoj kur sic thote edhe vete autori me poshte se kapitalizmit shqiptar i mungon 

organizimi shoqëror

Organizimi shoqeror eshte ai qe ne kapializmin amerikan vendos balancen midis kapitalit te madhe dhe interesit te shoqerise. Pra shume shume shume me ndryshe se kapitalzmi shqiptar.

Blendi nuk eshte ne dukje ndryshe  por krejt krejt krejt krejt ndryshe .

Shembull? Po me pyet te te jap nje shembull?

Nuk e di nese ke ndjekur debatin per Sigurmet shendetsore qe po behet keto dite ne SHBA

Interesat e kapitalit te madh "Shoqerite e Sigurimeve shendetsore" jane ne nje ane te ketij beati,  organizmi shoqeror i fukarase ne nje ane tjter dhe  organimzi shoqeror i shtreses se mesme dhe te pasur ne krahun tjeter. Shembull me te mire nuk ka . Mendo kete debat ne Shqiperi dhe do ta kuptosh rendesine e organzmit shoqeror

Te zgjedhurit e popullit ne institucionet ligjberese nuk i tremben vetem kapitalit te madh ata i tremben edhe votes se popullit.

Zgjedhja e Obames, apo Klintont disa vite me pare kur financimet nga kapitali i madh ishte shume shume shume me i vogel se ai konkurenteve konservatore tregon se kapitali i madh ka infulnce por ne asnje menyre "nuk ka futur ne shtrat" politiken amerikane.

Nejse mendoj se ti keto di mire se ke jetuar ketu dhe mbase te ka shkare pena dhe nuk ke pasur ne mendje kete gje ndryshe do te mendoja se ...... Michael Moore nuk eshte mainstream amerika miku im pavarsisht se ai mund te jete idhulli tend.

nejse Naten Miku Im

PS Dy e gjysme pike ne vleresim. meqense te kam mik dhe nuk ka vleresim me gjysma po te jap nje treshke me hater smiley

 

mua do te me interesonte shume te dija se ku e kane shembullin e nje demokracie "te paster" ku individi vendos per fatet e tij ne baze te votes se lire e te pandikueshme nga kapitali keta zoterinjte qe ankohen per deformimin e demokracise. une per vete nuk di ndonje shoqeri ne keto 3000 vjetet e fundit( te pakten nje shoqeri e konsiderueshme ne numer) ku demokracia funksionon ashtu sic ia mbush masa mendjen vetes. sigurisht qe do te ndikohet shumica nga nje pakice qofte kjo elite intelektuale, ekonomika apo pushtetare( monarku, prifti etj).thelbi i demokracise per mendimin tim eshte diktati i demosit por demos nuk duhet ngaterruar me banoret e nje hapesire te caktuar. demos eshte ajo pjese e shoqerise qe de fakto vendos.eshe ne greqine e lashte nuk mund te vendoste cdo njeri qe jetonte ne athine por vetem ata qe kishin statusin e qytetarit dmth ata qe kishin aftesine intelektuale dhe ekonomike te vendosnin.keto deklaratat populiste per vullnetin e lire te individit mund te jene argumenta te lezetcem per nje fushate elektorale por nuk mund te merren ne konsiderate per nje tentative analize socialo-politike.

Konica,

Ne kete bote nuk ka azgje te paster 100% as e prodhura ne laboratoret shekncore nuk mund te gjesh nje objet apo subjekt te pater 100%. Ketu diskutohet shkalla e papastertise dhe cfare faktoresh  ndikojne  ne  nivelin papastertine .

Nje shoqeri pa organizim shoqeror ka papasterti me te madhe se nje shoqeri me nje organizmim te mire shoqeror.

Shkalla e organizmit shoqeror varet nga niveli i mentalitetit te popullsise. Nje popullsise me ndjenje pergjegjesie ndaj shoqerise ka nje shkalle me te larte organizmi shoqeror se nje shoqeri otomane anadollake ku sejcili vjedh sejcilin dhe ne fund vjedh dhe veten.

Dhe ketu eshte fatkeqesia jone.

 

Besoj se ky paragraf nga Bashkim Shehu eshte permbledhja me e mire e asaj qe do te thote Blendi:

Gjithashtu, do te thosha dicka edhe ne lidhje me qendrimin ndaj kapitalizmit. Koncepti marksist-leninist, qe kapitalizmi eshte nje xhungel, qe nuk ka norma, nuk ka moral, qe eshte shfrytezim dhe zhvatje e paskrupullt. Ky eshte koncepti marksist-leninist per kapitalizmin dhe kete gje ne e shohim te instaluar ne kapitalizmin shqiptar, ndersa nje pjese e kesaj elite ekonomike vjen pikerisht nga elita politike e komunizmit.

 

Vecse une do te thoja, jo nje pjese por e gjithe elita ekonomiko-politike vjen nga elita politike e komunizmit.

Por faji nuk eshte i elites faji eshte i populit. Eliten e mban populli. Dhe populli yne kaq di, ky eshte.

Pastaj vjen edhe ndonje shkrim si ky apo ndonje koment si ato me mesiper ku i thuhet popullit se ky qe shikoni ne shqiperi  eshte kapitailzmi kudo ne bote dhe populli me 12 te drekes haron me se ka ngrene mengjes.

 

 

Teper e thjeshtezuar ajo qe thua ti toko.  Populli eshte i tramatizuar rende nga 50 vjet perdhunim te gjitheanshem.  Ca the me siper me ate organizimin shoqeror? Gjyshja ime rahmet paste kur fliste per komunizmin thoshte "u ngriten kembet i rane kokes".  Shkaterrim total te organizimit shoqeror, qe tani na rezulton me ca gerxho mafiozo komunist te etur per pushtet e pasuri sic ishin gjate komunizmit, me gjithe veglat per te qene te sukseshem, qe kane marre freret e kalit kapitalist.

 Hajdar Bukuroshi; "....njerezve te panjohur duhet t'u ndalohet shkrimi me LIGJ. bile mendoj se edhe leximi..." 

Me nje fjale meqe Blendi, Llukani dhe Penari, dje, ishin te panjohur, nuk u duhej te krijonin kete sajt/forum ku ne te gjithe shprehim mendimin tone. Mirpo historia na ka mesuar se disa/shum gjera te medhaja/te rendesishme, i kane bere njerzit e panjohur.

Qe e majta mungon ne Shqiperi, kete e kane vene re te gjithe, veç qorrat nuk e kan vene re. Une Blendin do ta kritikoja tek shprehja mbi kapitalizmin shqiptar qe ai e quan jo dhe aq te eger, biles njesoj si kapitalizmi perendimor apo i vendeve te ndryshme, nderkoh qe e verteta eshte krejt ndryshe, pikerisht edhe sepse mungon nje force mbrojtese e vegjelise apo klases punonjese. Ne Shqiperi ka nje PS qe e quan veten te majte, mirpo historia po tregon ata nuk ndryshojne shume nga PD, plus qe kane ne gjirin e tyre kapitaliste dhe politikane qe mbrojne keta kapitaliste. Nuk jam kundra mbrojtjes se kapitalisteve (qe ndryshe quhen dhe oligarge, me te drejte), mirpo PS si perfaqesuese e klases punonjese duhet/j te mbronte keto shtresa.

Ajo qe une kam vene re eshte se ne edhe socializmin edhe kapitalizmin, i kemi (kishim, per socializmin) sistemet me te egra dhe me te perçdunuara/deformuara.  

 e kam fjalen aty per shkrimin publik, ate ne gazete. 

ndersa keta qe shkruajme ne tek keta bloget virtuale jane si llafet e kafeneve, pa asnje peshe reale.

Blendi shume bukur te pergezoj. Mos degjo kritikat boshe te atyre qe flasin me shabllone dhe perserisin si papagalle qe 'kapitalizmi te pasuron'. Kapitalizmi i paster pasuron nje pakice ne kurriz te shumices. Kapitalizmi i paster eshte ai qe te merr $500 ne muaj per sigurim shendetesor pastaj refuzon te te mjekoje pasi ke nje kondicion mjekesor paraekzistues dhe kur ti nga halli mjekohesh ne urgjence te falimenton me fatura qe te roberojne ter jeten pasi nuk i paguan dot. Kapitalizmi i pasur shpenzon me miliarda dollare ne vit per te bere lobing ne kongres duke synuar te ruaje avantazhet qe gezon. Kapitalizmi i paster ka legalizuar norma interesi prej 30% neper karta krediti qe te roberojne per vite kur ne fakt huaja merret nga Banka Federale vetem per 1%. Kapitalizmi i paster eshte i zhveshur nga cdo ndjesi humane pasi cdo gje eshte ne funksion te nje gjeje: parase. Per kapitalistin nuk ka fare interes jeta e njeriut, per kapitalistin ka rendesi vetem nje gjesmileyi te beje te lumtur zoteruesit e stoqeve ne kompani, cdo gje tjeter eshte pavlere. Lexoni librin e fundit te M. Lewis 'Big Short' per makuterine dhe pafytyresine kriminale te Wall Street keto 9 vitet e fundit te njihni pak me mire cndodh ne te vertete (libri eshte bestseller ne NY Times)

Ekonomia e tregut eshte dicka per tu ndjekur dhe qe begaton nje shoqeri por duhet te funksionoje ne baze te rregullave qe ruajne individin dhe limitojne spekullimet. Shpresoj qe Shqiperia te ndjeke rrugen e demokracive evropiano perendimore qe kane krijuar nje sistem ku nderthuret tregu i lire me perkujdesjen sociale.

Dmth, sipas teje, Wall Street = kapitalizem i paster? Edhe kete s'e dija.

Kapitalizmi i paster ka legalizuar norma interesi prej 30% neper karta krediti qe te roberojne per vite kur ne fakt huaja merret nga Banka Federale vetem per 1%.

Normat e interesit i "legalizon" tregu. Ai qe ka para thote: nese do te marresh borxh nga une, interesin e kam 30%. Por ai s'te ve koburen ne koke e te te thote "o merr borxh ti prej meje o te vrava".

As kete qe Banka Federale jepka hua nga parate e veta me 1% s'e dija. E kuptoj qe ke degjuar neper media ne Amerike qe "Fed e lane interesin ne 1%" etj. etj., por mire do ishte te kuptoje pak sistemin bankar si funksionon. Ja se po te ndihmoj une: http://en.wikipedia.org/wiki/Federal_funds_rate

http://www.frbsf.org/publications/federalreserve/fedinbrief/roles.html

Flm per leximin. Zotrules, nuk eshte essse, kam dike ndermend, qe "thote se eshte konservator i djathte", ka nje fare ironie kur i perseris titullin qe i ka vene vetes. Por ai e ka seriozisht. Ky nek eshte shkrim per pare. Po te shkruaja per para do kisha mbet pa buke. Hera-heres, ca gjera qe ndjej, ndjej se duhet t'i shkruaj, dhe i shkruaj. Reflektim mund ta quajme, analiza nuk bej dot. politolog nuk jam, as pedagog, n'at kuptim qe eshte perdorur ne nje koment me larte. Fenomenet qe kam permendur ne perceptimin tim jane ashtu sic i pershkruaj. Mendimet e mia mbi to jane te diskutueshme. Qofshi mire.

Ore kellire, po pse mo sot e gjete te me "njohesh" mua ti? Ca paraje po thua ti mer... une pikerisht ate ironine qe thua ti doja te nxirrja... se qe te kete shqiptare konservatore te djathte, kjo eshte t'ja fusesh vetes baaam! (faaaaaaaaaaaaaap, doja te thosha)

Dhe qe pedagog dhe politolog je, je, kete mbaje. smiley

Keshtu te prezantojne gazetarucet neper televizione te ato emisionet qe ndjek nganjehere une kur dua te vetendershkohem si eremitet katolike. smiley smiley

Një përgjigje e “majtë” për mikun tim, ndoshta “konservator i majtë”...

Malvina Tema

Në përgjigje për shkrimin e Blendi Salajt, “Letër mikut tim, konservatorit të djathtë”, datë 19/03/2010, gazeta “Shqip”

Kohë pas kohe përpiqem të aktualizoj qëndrimet e mia në raport me boshtin horizontal të klasifikimit të doktrinave politike dhe gjithmonë e më tepër ajo që kuptoj më mirë është se çfarë nuk jam apo çfarë nuk pranoj, më tepër se çfarë pastërtisht jam. Pra në lidhje me identitetet ndodh që disa njerëz dinë çfarë janë dhe nuk interesohen për atë çka nuk janë dhe ka nga ata njerëz që duke njohur shumëçka, krijojnë një identitet që merr trajta larg ndonjë lloj bindjeje të njëanshme. Në lidhje me këtë, i dashur miku im, ndoshta konservator i majtë, gjej në qëndrimin tuaj të majtë disa probleme konceptuale. Kështu, para se të sqaroj qëndrimin tim përkundrejt së majtës, më duhet patjetër të vë disa pikëpyetje dhe të diskutoj për përdorimin e ndërshkëmbyer midis “së djathtës” apo “liberalizmit të djathtë” dhe “kapitalizmit”. Për të qenë të saktë duhet sqaruar se çfarë nënkupton sistemi kapitalist dhe pse nuk mund t’i klasifikosh nënkategoritë si kategori.

Kapitalizmi është një lloj sistemi ekonomik, ku mjetet e prodhimit zotërohen nga subjekte private dhe sigurisht përfitimet u shkojnë zotëruesve, megjithëse sadopak, edhe kjo ndodh në mënyrë të rregulluar, disi nga ligjet e tregut e disi nga makrostrukturat shtetërore. Gjithsesi do i rikthehem kësaj pike më vonë. Qëndrojmë te kapitalizmi. Nëse e redukton të djathtën te kapitalizmi, sipas një logjike formale, edhe vende të tilla si Kina kapitalisto-komuniste do të mund të quheshin të djathta. I dashur miku im ndoshta konservator i majtë, si do mund të dilnim nga rrethi vicioz i këtij arsyetimi? Çfarë sugjeroni ju si qëndrim optimal të së majtës, “kontrollin shoqëror”, “pronën e përbashkët”, ndërkohë që edhe e majta pothuajse kudo nëpër botë ka përqafuar sistemin ekonomik kapitalist e shtyrë nga një lloj konvergjence e natyrshme. Në mos qoftë një konvergjence e natyrshme, mund të jetë rrjedhojë e homogjenizimit të shoqërive, ndryshimit të rendit botëror, perceptimeve postmoderniste, globalizmit apo shumë faktorëve të tjerë.

Duke iu rikthyer diskutimit mbi filozofinë e tregut apo kapitalizmit, duhet pranuar se tashmë kjo nuk është vetëm një prerogative e së djathtës, ashtu si socializmi nuk është një prerogative e socialistëve. Shtrirja e demokracisë përmban një mori aspiratash dhe politikash të socialistëve, por gjithnjë mund të gjinden çështje të tilla të implementuara nga partitë josocialiste, madje dhe nga e djathta. Është e vërtetë që socialistët kanë qenë të detyruar të përshtatin kërkesat e tyre dhe të bëjnë kompromise, por e njëjta gjë ka ndodhur me liberalët e djathtë. Nga ana tjetër, megjithëse pjesë të programit të liberalizmit klasik janë adaptuar gjerësisht në vende të ndryshme, ai nuk është përqafuar plotësisht askund. Nëse liberalizmi mund të jetë një sukses si sistem mendimi, praktikisht nëse i duhet të fitojë besnikëri të gjerë, duhet të jetë më përfshirës. Për të mbijetuar, liberalizmi i djathtë duhet të mësojë nga socializmi. Konsistenca, koherenca e plotë dhe radikalizmi mund t’u lejojnë disa partive të vogla të mbijetojnë, por do të përbënin shkatërrimin për partitë dhe lëvizjet me ambicie të mëdha. Kështu, idealet e djathta të tipit “let to do” apo “lasseis faire” i ka tradhtuar vetë esenca e tyre, ashtu si utopia majtiste e barazisë së shpërndarjes së rezultateve s`është veçse një ideal që jo të gjithë e ndajnë.

Gjithsesi, duke iu rikthyer kontekstit tonë dhe duke tejkaluar problemet konceptuale dhe problemet e kategorive, në shumë pika miku im jemi dakord. Përveç faktorëve situacionalë apo atyre të bazuar në kontekstin shqiptar, nuk duhet harruar se edhe arsyet e sipërpërmendura parimisht shpjegojnë se pse në Shqipëri, ashtu siç shpreheni ju, mendimi i majtë prej vitesh tashmë ka mbetur amorf dhe pa përfaqësim të vërtetë politik. Ai që mbetet problematik është analizimi se cilat përbëjnë shkaqet e kësaj gjendjeje, e cilat përbëjnë pasojat.

Për disa relativistë, nëse thuhet që filozofia e majtë ka dështuar, duhet pranuar se po aq ka dështuar edhe filozofia e djathtë. Por po aq mund të thuhet se asnjëra prej tyre s`ka dështuar… Ato thjesht janë transformuar dhe ciklet e tyre janë vetëkorrigjuese.

Një pikë tjetër me të cilën jam dakord me ju miku im, ndoshta konservator i majtë, është fakti që politika shqiptare ka nevojë për një identitet të vetin, një identitet të mirëpërcaktuar të bazuar në një sistem vlerash e besimesh që duhet të drejtojnë veprimin politik dhe të shmangin kaosin apo amullinë. Kjo nuk përjashton idenë që identiteti nuk është një dhe i vetëm, por përbëhet nga mozaikë identitetesh që duke u përballur me njëri-tjetrin konturojnë një format të organizuar.
Thelbi i demokracisë është pluralizmi i besimeve, qëndrimeve dhe vlerave e ndërkohë kultura demokratike lidhet me organizimin në bazë të tyre. Por ç`ndodh realisht? Tregu politik në Shqipëri ndërtohet mbi kultin e individit, personalizimin e politikës, armiqësimin e kundërshtarit dhe ndodh që ofertë politike nuk ka nga asnjëri kah, nëse kahe ka…

Gazeta Shqip

Ça shkrimi idiot ky më lart. Duke filluar që prej titullit "ndoshta konservator i majtë". E dashur znj apo znjushë që ke shkruar shkrimin, nuk ka diçka të tillë si "konservator i majtë", në rast se do i merrje hakën për termin që është përdorur si "konservator i djathtë", mund të zgjidhje radikal i majtë, apo në mënyrë të banalizuar - komunist.

Pjesa tjetër e shkrimit pastaj është një delir më vete. Po ngatërrohesh kot me çka është politikë e majtë dhe e djathtë, duke përfshirë aty shumë vende e shembuj. Ngjan sikur je ngatërruar, të më falësh për termin, me shalët e tua. Kështu është kur shkruan këmbë mbi këmbë. Nuk di ku ke të majtën dhe ku ke të djathtën. smiley.

Në fakt zonjushë apo zonjë, partitë politike të çdo shteti e përftojnë identitetin politik të tyre në bazë të gjendjes aktuale ku ndodhet vendi. Detyrimisht një parti e djathtë suedeze është më e majtë sesa një parti e majtë amerikane. Po kryesorja është se në momentin që mungon një shtet social dhe politika sociale, në momentin që shteti nuk merr përgjegjësinë e funksionimit të këtij sistemi duke përfshirë në të edukimin, arsimimin, shëndetësinë, si rregull kemi një shtet që ndjek realisht politika të djathta.

Si përfundim dmth që ta marrësh vesh, një shtet ndjek detyrimisht politikë të djathtë kur ky nuk ndjek politika të majta. Është njësoj si një thënie me muzikën xhaz, kur nuk e di se çfarë je duke dëgjuar - ajo është xhaz. Kështu dhe me politikat  e majta.

 

Komplet dakord me J, shkrimi i kesaj vajzes eshte shume i dobet dhe deshton plotesisht te dekonstruktoje argumentin e qendisur nga Blendi. Nuk me besohet qe Shqip te kete botuar kee mediokritet.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).